როდესაც ნიკამ პირველად გამიზიარა თავისი იდეა ‘ჯარას’ შესახებ, მე და ჩემი გუნდი მაშინვე აღვფრთოვანდით. ჩვენ უკვე გვქონდა დოკუმენტურ ფილმზე The Road მუშაობის გამოცდილება. „გზა“ ჯერ ისევ წარმოადგენს უმნიშვნელოვანეს ფილმს, რომელმაც დიდი გავლენა მოახდინა ადგილობრივი და საერთაშორისო დამოკიდებულების შეცვლაზე მეცხვარეობისა და ზოგადად სოფლის მეურნეობის შესახებ.
‘გზაზე’ მუშაობის გამოცდილებიდან გამომდინარე, უკვე ვიცოდით თუ რა გავლენის მოხდენა შეუძლია კარგად გადაღებულ ფილმს საზოგადოებრივი აზრის ფორმირებაზე. ჩვენ გაგვიმართლა იმ მხვრივაც, რომ გვყავს დონორი, რომელიც ჩვენს ხედვას იზიარებს. აჭარის პროგრამა მთლიანად კონცენტრირებული იყო ბაზარზე არსებული დისფუნქციების გამართვაზე სოფლად მცხოვრები ოჯახებისათვის, რომელთა ძირითად შემოსავალს მესაქონლეობისა და თაფლის პროდუქტები წარმოადგენს. ამ პროცესის უმნიშვნელოვანეს ნაწილს წარმოადგენდა, იმის აღმოჩენა, თუ რამდენად გადაჯაჭვულია რეგიონის განვითარება არსებულ ბუნებაზე.
სოფლად ტურიზმი, სოფლად განვითარება და ცხოვრების პირობების გაუმჯობესება ფერმერებისათვის, ყოველთვის პრიორიტეტული, თუმცა გარკვეულწილად სეგმენტირებული იყო, ამიტომ ჩვენ მთავარ ამონაცას წარმოადგენდა ამ საკითხებისა და მთავარი აქტორების ერთი ქოლგის ქვეშ გაერთიანება. ეს გულისხმობს კონსერვაციის საკითხების ინტეგრირებას, რაც შემდგომში უზრუნველყოფს ადგილობრივი მოსახლეობის სარგებლის გაზრდას მთიანი აჭარის ეკოლოგიური ღირებულებების შენარჩუნებასა და გამდიდრებას.
‘ჯარა’ წარმოადგენს ინტერვენციების ციკლის ნაწილს, რაც მოიცავს გოდერძის ალპურ ბოტანიკურ ბაღს, ადამიანისა და გარეული ცხოველების ურთიერდამოკიდებულების კვლევას და ადგილობრივ მუნიციპალიტეტებთან აქტიურ თანამშრომლობას ამ საკითხების უზრუნველსაყოფად; თაფლის ფესტივალს და Eco Tours-თან თანამშრომლობას, რათა მომხდარიყო უკვე არსებული ფრინველებზე დაკვირვების ტურების დივერსიფიკაცია და ფართო სპქექტრის აგრო ტურების შეთავაზება. (Trailer) ‘ჯარამ’ მოახდინა დონორებისა და დაინტერესებული მხარეების კონსოლიდაცია, რომელთა ჩართულობა საკითხს უფრო მეტ მნიშვნელობასა და დატვირთულობას სძენს.
‘ჯარა’ შექმნის პლატფორმას ამ იდეების განვითარებისათვის, დისკუსიისათვის და გაამყარებს აჭარის მნიშვნელობას, როგორც ბიომრავალფეროვნებისა და კულტურული დანიშნულების მქონე რეგიონი. ეს ფილმი იქნება შთაგონების წყარო სხვა გადაწყვეტილების მიმღები აქტორებისათვის საქართველოში, რომლებიც აღმოაჩენენ პოტენციალს მათ მთავარ საქმიანობაში.
ფილმი საოცრად ლამაზი, ამაღელვებელი და სასიამოვნოდ სანახავია. ეს ფილმი ქართული ცხოვრებისა და ქართული ფილმის გადაღების საოცარი ტალანტის ნათელი ნიმუშია.

“გვინდა ხელი შევუწყოთ “Eco Films”-ის მიერ აჭარის რეგიონზე სარეკლამო-დოკუმენტური ფილმის შექმნას. ფილმი “ჯარა” ჩამოაყალიბებს აჭარის რეგიონის, როგორც ტურისტებისთვის ძალიან მიმზიდველი დანიშნულების ადგილის იმიჯს. წაახალისებს თაფლის წარმოების მიმართულებას, მის პოპულარიზაციაში დაეხმარება ადგილობრივ მოსახლეობას თუ ორგანიზაციებს. ასახავს ადამიანისა და ველური ბუნების თანაარსებობას. მთლიანობაში კი მივიღებთ რეგიონის ბუნების, სოფლის ცხოვრების, ტრადიციული გეჯური მეფუტკრეობის ამსახველ დოკუმენტურ ფილმს.

ფილმის მხარდაჭერა ხდება შვეიცარიის განვითარებისა და თანამშრომლობის სააგენტოს (SDC) მიერ დაფინანსებული საბაზრო განვითარების პროგრამის („მცირე კავკასიის ალიანსების პროგრამა“) ფარგლებში, რომელსაც საქართველოში საერთაშორისო არასამთავრობო ორგანიზაცია „მერსი ქორფსი“ (Mercy Corps) ახორციელებს.